Showing posts with label देशप्रेम. Show all posts
Showing posts with label देशप्रेम. Show all posts

Monday, February 19, 2024

राष्ट्र स्तुति


राष्ट्र स्तुति प्रियं भारतम्

प्रकृत्या सुरम्यं विशालं प्रकामं सरित्तारहारैः ललामं निकामम् ।
हिमाद्रिर्ललाटे पदे चैव सिन्धुः प्रियं भारतं सर्वथा दर्शनीयम् ॥ १॥

धनानां निधानं धरायां प्रधानं इदं भारतं देवलोकेन तुल्यम् ।
यशो यस्य शुभ्रं विदेशेषु गीतं प्रियं भारतं तत्सदा पूजनीयम् ॥ २॥

अनेका प्रदेशाः अनेकाश्च वेशाः अनेकानि रूपाणि भाषा अनेकाः ।
परं यत्र सर्वे वयं भारतीयाः प्रियं भारतं तत्सदा रक्षणीयम् ॥ ३॥

सुधीरा जना यत्र युद्धेषु वीराः शरीरार्पणेनापि रक्षन्ति देशम् ।
स्वधर्मानुरक्ताः सुशीलाश्च नार्यः प्रियं भारतं तत्सदा श्लाघनीयम् ॥ ४॥

वयं भारतीयाः स्वभूमिं नमामः परं धर्ममेकं सदा मानयामः ।
यदर्थं धनं जीवनं चार्पयामः प्रियं भारतं तत्सदा वन्दनीयम् ॥ ५॥

कविवर्य- डाॅ. चन्द्रभानु त्रिपाठी

राष्ट्र स्तुति

राष्ट्र स्तुति प्रियं भारतम् प्रकृत्या सुरम्यं विशालं प्रकामं सरित्तारहारैः ललामं निकामम् । हिमाद्रिर्ललाटे पदे चैव सिन्धुः प्रियं भारतं सर्...